ذهب الليل و طلع الفجر و العصفور صوصو

هو ده الامل اللي انا عايش بسببه نفسي الليل يذهب و الفجر يطلع علشان العصفوريصوصو
لما الموضوع طول قولت ادور ع العصفور و اكون جانبه علشان لم الفجر يطلع اكون اول واحد يسمعه
و لفيت و دورت
ما لقيتش غير غربان شغاله الله ينور و فرحانه بالضلمه و الليل
و سالتهم محدش شاف عصفور مستني النور
قالولي يعني ايه نور
قولتلهم مش مهم نور محدش شاف عصفور
و مسمعتش رد
و قولت مش مهم المهم الاقي العصفور
و لفيت و دورت لحد ما سمعت..... صوت عصفور
فجريت و انا فرحان لحد ما شفت عصفور بيصوصو
و بينور بالليل
قولت ايه ده
قالولي غراب من الغربان استورد عصافيرمن الصين
بتصوصو و بتنور بالليل
و العصفور بعشره جنيه
ايه رايك ........